Support
منتدى فتش منتدى السودان أعضاء موقع عقار نت المفقود
123

هذه القصة أوردها أحد المتابعين لحال العقار في الخرطوم قبل سنوات قليلة وقارن الأسعار اليوم . (( وشوف سوبا الأن في نص الخرطوم ))

  اسي عليكم النبي الواحد يخدم عمرو دا كلو عشان يشتري ليهو بيت بي 160مليون لا اله الا الله واشهد ان محمد رسول الله ياخ اصلو شنو.
((((أسمع الكلام النجيض ))))
 قطعة ارض بي 9 مليون 60*60 استغلال 40*40 لبنا 5 غرف بهولات ومجلس حدادي مدادي و35 مليون تبنيها بيها وال20*20 للحديقة و5 مليون حديقة و6 مليون شجر جاهز و4 مليون كرامة ساي للبيت دا وسيارة فارهة بي 60 مليون ودا كلو يبعد من العاصمة 135 كيلو متر يعني افطر واتغدي ووالمرة تتصل علي تقول بطنها موجعاها امش اتناولها واجييبها الدايات تلد وارجعها وارجع الخرطوم احضر مباراة الهلال واجي راجع اتعشي مع وليداتي ويقولو لي ياخ امش جيب الاغراض دي عشان بنحتاج ليها بدري اتصلنا عليك تلفونك كان مشغول بتتكلم مع منو اطنطن وامش اجيب الاغراض واجي راجع انوم وكل يوم بالطريقة
 الا ولادة المرة تاني شنو والعيال واحد يقراء في المجلس الافريقي
 واحد في سوبا 
شنو المهم شديد والشي الضروري البخليني جنب الخدمات المهولة الفي الخرطوم دي عشان تكون من الضرورة جنبها لصق جنس صناجة علي العالمين ديل  .
هدوء وهواء صافي وبارد ونيل وجروف وشجر نيم وشجر منقة وجوافة وطرق مسفلتة وموية تمحن زاتو والله وكهرباء فل ومعمار لا باس به والخدرة من كل الجوانب ويمين بالله اللبن ما بالرطل . اذا كان
ال 160 ليس لها قيمة فهي تفعل ما ذكرت و3 حبشيات للخدمة وحظيرة صغيرة فيها 3 بقرات جاموس وجنبها واحده صغيرة فيها 12 نعجة وخروفين وراعي قاعد قصادن بس ويمين دا كلو في ال 160 مليون بس كل اسبوع خروف واللبن ما بالرطل واللحم ما بالكيلو 
 3 غرف بي برندات وهول شكل ايل ومجلس 5*5.5 المواد بي 11مليون ونص وبالقصد سيخ واسمنت وكمر ورملة وخرسانة وجير حتي السلك لحدي ما يخلصن والطوب 105 الف طوبة و2مليون تغليف نملي لكامل البنية وعريشة فوق السطوح لانو ماف غني عن الراكوبة ولا اعتقد انو التقفيل يتعدي 6 مليون وسعر الطوب لا يتعدي 12 مليون وكان الصنج ديل الله كتر منهم سنتين وتلاتة اسابيع سوبا دي بتتلصق معانا ببيع بيتي دا بي مليار وازح لي تاني 130 كيلو وابني لي بيت كان الله حيانا هاهاهاها . . . . . ؟
مسافة السكة
 
كنتا بقصـر المشـوار لـو عـارف متيـن أرجـع
وكنتا بحـدد الميعـاد وأبقـى مـن الزمـن اسـرع
إلا مصيري فى الأيـام هـي البتقـول وأنـا البسمـع
وما لاقاني يوم فـي الدنيـا زول حظـو كـان فاتـو
مسافة السكة ارجع ليـك معـاي الشـوق وغنواتـو
انا البهواك وقلبي عليك وانـا الـزول البريـد ذاتـو
مسافة السكة مهما تطول برضو مصيري ارجع ليـك
الم حزن السنين الفاتوا واقيـل فـي ظـلال عينيـك
واجمع في الحروف دنياي واخاف احزاني ترسى عليك
وألم باقي العمـر تحنـان واقـول للنـاس حكاياتـو
ما يهمـك كـلام النـاس وحاتـك انت مـا ناسـي
انا البحسب عشـان ألقـاك ثوانـي الفرقـة انفاسـي
عـارف لوعتـك يـا روح وكيفـن انـت بتقاسـي
واعمـل ايـه مـع الأيـام مـع قلبـي وصباباتـو
مراسيك وين عشان ارتاح واعوض قلبي عن صبـرو
معاك بحصد من الأفراح حصـاد زولا زرع عمـرو
وانا الراجيك وكلي جراح منـاي بـى إلفتـك يبـرو
والاقيك في زمن نشوان تصب للحب غماماتو
ــــــــــــــــــــــــــــــــــــــــــــــــــــــــــــــــــــــــــ

التحية لكل من سأل عن (مشاطيب منتدى عقارات ولاية الخرطوم) .. ونسأل الله العلي القدير أن يلم شمل الجميع إن شاء الله .. وأن يكتمل تسجيلهم في منتدى فتش بأسرع وقت إن شاء الله  .. قولوا آآآآآآآآآآآآآآآآآآآآآآآآآآآآآآآآآآآآآآآآآآآآآآآآآمين.

الفنقالي (عادل)
الاخوه الاحبة , العقد الماسي الفريد اعضاء الموقع المفقود بسبب الهكر و حمود 7 الحسود
تحية مباركة خاااااالصة لكم 
سبحان الدائم لكن زي ما قال الزعيم ما كنا قايلين انو حنلاقيكم تاني في الدنيا الزايلة دي , لكن ربك موجود
تحياتي للجميع


اخوكم / وجدي


نقر طنبور ســـــــــلك ناعم ودغدغ جوووة فى الأعمـــــــــــاق
حبابك يا رفيــــــــــق الدرب وسيرتك صايتة فى الآفــــــــــــاق
عقاراتنا وبيوت أحلامنا ترحب بيك وعارفاك فى الكرم غيداق
ألف تحية ليك يا غالـــــــى وعلى الجزيمة الزعيم مشــــــتاق

ـــــــــــــــــــــــــــــــــ

مرحبا بك مرة أخرى أخى الفنقالى عادل
 
يا هــــــــلا وياهيـــــــل ويا هـــــلا عــــــــــدّ الســيل
حباب وجــــــــــــــدى وعزيز بالحيييييييييييييييييييييل
جيت الليلة شــــــــرفتا وديار فتش تقول يا ليـــــــــل
أقعد واستريح يا زول , رحاب فتش دى جنة عديييل

ـــــــــــــــــــــــــــــــــــــــــــــ

حباب وجدى والجابك يجيب عقابك
الاخوة الافاضل اعضاء طيب الذكر عقار نت المفقود
غاية السعادة ان نطالع مساهماتكم القيمة مرة اخرى وان نقدم المشورة والنصح لبعضنا البعض كل في مجاله
واكثر سعادة ان يجتمع الشمل في هذا المنتدى السوداني

اخوكم ابو احمد (2) عضو عقار نت سابقاً
حبابكم مليون الاخوة وجدي وابو احمد وحمدا لله على السلامة
تحياتي
مرحبا شباب عضو عقري سابق وزول الله
وفعلا شكل الجميع مجموعة نيرة في المنبر السابق
نتمني ان نجتميع جميعنا هنا 
وشكرا زول الله سابقا في عقار نت
مرحب بكل الاخوة بدون فرز وحمدا لله على سلامة العودة.
مرحب بزعيم اللؤلؤة الاخ ود الرياض وحبابك مليون
تحياتي
الاخوة اعضاء عقار نت الكانو مفقودين اولا السلام عليكم والحمد علي السلامه انكم اجمعتم من جديد وان شاء الله دايما لامين وتامين وبصراحه انا اكتر واحد كنت فاقدكم بالرغم اني لم اكن عضوا في عقار نت الا اني كنت مدمن لمنتداكم وكنت اصبح وامسي عليه  وكنت من اكثر المعجبين بتحليلات الاخ عمر جده والذي بفضل كتاباته وتحليلاته عن اللؤلؤة استطعت ان اقاوم كل عروض البيع التي قدمت لي لكي ابيع قطعتي في مخطط اللؤلؤة .و اتمني من كل قلبي ان يكون الاخ عمر جاري في  اللؤلؤة .
لكم التحيه فردا فردا وارجو ان تقبلوني عضوا بينكم
الاخ / ياسر
مرحب بيك وحبابك مليون ، وحمدا لله على السلامة ولي الشرف ان اكون جارك في اللؤلؤة ( أمسك فيها قوي ) بالجد مخطط حا يكون ليهو مستقبل باهر

تحياتي واحترامي
عندي سؤال للأخ عمر رأيك شنو في مخططات جنوب الخرطوم زي المحورية وبتري والسلام استثمار وسكن؟؟
الاخوة اعضاء عقار نت المُغتصب
َحِمدْلّّة 1000 علي السلامه
وان شاء الله دايما لامين وتامين.

الاخوة الافاضل,

عمر جدة , عقاراتي , الفنقالي , زعيم قريش , rahme
اخوكم قديم شوية هنا عشان كدا بقول 
فرحانة بيكم كل النجوم
و دي حلاوة اللوعة و الاهات يا موشوار سودانا ما تكتر.

وان شاء الله عقدنا يكتمل بالاعزاء اخّواتنا  المهندسة غفار و برضو ذات القلم  الفريد عائشة المبارك و اُختنا بت الجبل عشان يجرتقو لينا المواضيع شويه , سيخ و اسمنت و خرصانة علي طول الخط ما نتبلعو  ههههههه.

ونسأل الله العلي القدير أن يلم شمل الجميع إن شاء الله.

كل الوُدْ

ديـــــــك  لاهــــــــــــــــاى

 
اهلا اخوي اوكامبو اسف ديك لاهاي منور نحمد لله كتيرا علي جمع الشمل
في اخونا دكتور حمد النيل صاحب البوست الفريد تجربتي في البناء
واخونا ابوبكر يوسف مش عرف الي الان ماظهرو  كدي نزكرهم باللمه دي
سلام للجميع
وعودا حميد
حبابك مليون اخونا ديك لاهــــــاى ، نورت المنتدى
ان شاء الله بخير؟
ومرحبا atoof2000

تحياتي للجميع

سلامات ياشباب 
الاخبار والصحة وبركة بالشوفة واللمة تاني 
والشكر أجزله ﻷخونا عبدالرحيم وأختنا سماهر اللمونا بيكم تاني 
نرسل ليكم تحايانا من قلب السودان النابض وعاصمته التاريخية أمدرمان 
ومن الصالحة تحديدا 
نسعد بالتواصل معاكم ونتمني نفيدكم ونستفيد من خبراتكم الراسخة 
التحية لكل العقد الفريد وللجميع بدون فرز 
أخوكم  حمدالنيل 
ماحك جلدك مثل ظفرك
حبابك مليون يا دكتور ونورت المنتدى
يا دكتور حمد النيل كيفك يا رجل ... خلاص بقيت مواطن ولا استراحة محارب وعودة لميدان معركة الاغتراب؟


تحياتي واحترامي
السلام عليكم   عندي اقتراح للاخوان عمر جده والفنقالي انو يعملو صفحه في الفيس بوك باسم اللؤلؤه وذلك لانهم بمعرفه بكثير من ملاك اللؤلؤة وفيها الناس ممكن تتابع كل ما هو جديد في هذا المخطط وايضا الناس ممكن تتعرف اكثر علي جيرانها وبيكون في تفاكر وتشاور في في كل المستجدات وايضا ممكن تتكون لجنه متابعه مع الشركه في كل ما يخصهم مع تحياتي                                                                                                                                  
الحبيب الدكتور حمد النيل حبابك مليون والمنزل مبارك والصالحه منوره بيك يازول خلاص كسرت ركبه في السوداني ولا فيها رجعه
الاخ / ياسر اقتراحك جميل ، واعتقد لو شمل الاقتراح كل مخططات سوقطرة بشرق النيل يكون كويس
النخيل 1
النسيم
طيبة
النخيل 2
مخطط التلال الجامعي
لؤلؤة الشرق

في انتظار رائ الملاك

تحياتي
سلام مربع لجميع رفقاء الدرب والسلاح  أعضاء عقار نت سابقا , حمدلله على سلامة اللمة من جديد  بعد  الفركشة والتشرد القصري 
وتقبلو تحياتي

 
اخوكم المـــــــدير العقـــــــاري angel
العالم أصبح قرية صغيرة لكن كمان ما للدرجة دي !
كل الحبايب والأخوان والزملاء في طيب الذكر عقار نت، سلام كتييييييييير وشوق كميات
ويسأل منك الخير يا زعيمنا ياخ، يعلم الله الواحد إفتقدكم بصورة ما تتخيلوها وكأننا بنعرف بعض في الواقع وليس عبر الاسافير
ربنا يديم الوُد بين الجميع ويجمعنا بيكم في لحظات خير ويجتمع شمل الجميع
ورُب صدفة خير من ألف ميعاد
تحياتي لكم مجدداً وتحية خاصة للحبيب عمر جدة (عمرين)

frownfrownfrown
ما شاء الله كل الاحباب في عقار نت موجودين ومشرفين هنا

اولا نشكر صاحب موقع فتش الذي فتح ابوابه لاستضافة الجميع
وثانيا الشكر لصاحب فكرة تجميع اعضاء عقار نت هنا

واخيرا يسعدني ان اكون بينكم هنا مجدد وان التقي بكم بعد طول غياب
مع خالص تحياتي ....

منتصر الأمين
مونتي
أدروب دبايوا وأيتنينا ومراحب
وحمدا لله على سلامتك
والصراحة موقع عقار نت فقدناهو شديييييييييييييد
فقد كان فيه أخوة افاضل جمعنا بهم الأسفير
وصاروا فى وجداننا وكاننا نعرفهم من زمان

ونسأل الله أنيلم شمل الجميع فى موقع فتش
قول يااااااااااااااااارب
الأخ مونتى سلااااااااام ومرااااااااااااحب
وحمدا لله على سلامتك
وان شاء الله تعالى المجموعة الفريدة تتجمع هنا من تانى
والله يجازى اللى كان السبب فى فقدنا لموقع عقار نت

الإخوة الكرام / أعضاء موقع عقار نت
السلام عليكم ورحمه الله تعالى وبركاته،،،،لكم منى كل التحايا للجميع ،،،،،وحقيقه ما تتخيلوا مدى سعادتي لإجتماع هذا الشمل مره أخرى
بالرغم من اني وصلت متأخرة لكن  الحمد لله على تلاقيكم مره تانية ،،،،وإنشاءالله لمه في الحرم.
بهنيكم بكل المناسبات الفاتت ومالاقيناكم بداية عام 2013م وانشاء الله عام سعيد عليكم والما بنى  يبنى انشاء الله
ورمضان كريم عليكم تصوموا وتفطروا على خير.
مع خالص التحايا
المهندسة / غِــفار الشيخ الجاك
00249910205193
00249121617077
ghifareljak@yahoo.com
مرحبا بالباش مهندسة غفار الجاك
وحمدا لله على سلامة الوصول
وان تصل متأخرا خيراً من أن لا تصل
ورمضان كريم 


اها بى مناسبة رمضان اسعار تكاليف البناء ما رخصت شوية ؟؟؟

laugh
123


عفواً.. لا يمكنك المشاركة، يمكنك التسجيل في حال رغبتك بذلك.


جديد المنتدى

كلمات البحث

تابعنا

تابع اجدد الإعلانات