Support
منتدى فتش منتدى السودان مخطط المندرة جوار المطار الجديد الاستثمار الامثل
12

مخطط المندرة جوار المطار الجديد الاستثمار الامثل

هذا المخطط في اعتقادى الخاص  يعتبر من اسهل  واحسن الاستثمارات
التعليقات
اسهل لأن الاسعار مازالت في متناول الجميع
احسن لأنه يقع مباشرة في الحدود الجنوبيه من المطار الجديد

اهم مافي الموضوع  واحلاه  ان المخطط لم يتأثر بالسيول ولا توجد به تجمعات لمياه الامطار لانه ببساطه منطقه عاليه 
كل عام وانتم بخير  شكرا على هذه المعلومات القيمة ومزيد ا من المعلومات ؟؟ هل هو مخطط فعلا ؟ ام حيازة ؟ الاسعار وعناوين الجهة المسئولة ؟ والله  اسموا  ده  تقول فى اندونيسا   مافى فى السودان  الله يستر!!!!laugh                                                                                             
يا جماعه المندره ده جوار جبل مندره وله محل تاني ؟
كل عام وانتم بخير  شكرا على هذه المعلومات القيمة ومزيد ا من المعلومات ؟؟ هل هو مخطط فعلا ؟ ام حيازة ؟ الاسعار وعناوين الجهة المسئولة ؟ والله  اسموا  ده  تقول فى اندونيسا   مافى فى السودان  الله يستر!!!!laugh    

الاخ  يوسف بدوى   نعم هو مخطط جديد  يقع جنوب المطار الجديد مباشرة  بين المخطط والمطار شارع100متر   
يا جماعه المندره ده جوار جبل مندره وله محل تاني ؟

يا ود البجا   مخطط المندرة جنوب المطار الجديد مباشرة    وربما يكون الاسم مستمد من جبل مندرة
abunashid اسعار القطع بكم وهي شهادة بحث ولا ملك حر والقطعة البتفتح في الشارع الفاصل للمطار بكم
خالص احترامي
مرحبتين العوض
حسب علمى اسعار القطع تبدأ من  22 مليون بالقديم الي 35مليون حسب الموقع والامتياز
وهي شهادة بحث
بالمناسبه المخطط   على طول الشارع الفاصل للمطار  ولكن المنطقه تتبع اداريا لمحلية القطينه  لذا شهادة البحث تستخرج من هناك 
خريطه تقريبيه لمخطط المندرة جنوب المطار الجديد
الخرطه السابقه  تقريبيه  لتوضيح موقع المخطط
مجهود تشكر عليه اخي abunashid وفي ميزان حسناتك ان شاء الله
سبحان الله سيأتي اليوم الذي تكون فيه هذه المناطق استراتيجيه وغالية الثمن وهذه هي سنة الحياة ............ بس موضوع المطار ده لو اسرعو فيهو شويه سيفك اختاناقات كثيره في الاراضي لان الناس ستتجه لمنطقة جبل اولياء وما جاورها وهناك الاسعار معقوله جدا"..
يا جماعة وين البوست بتاع سعر العملة الان الريال السعودى بسعر 1980 للمبالغ الكبيرة
يا جماعة وين البوست بتاع سعر العملة الان الريال السعودى بسعر 1980 للمبالغ الكبيرة
يا جماعة وين البوست بتاع سعر العملة الان الريال السعودى بسعر 1980 للمبالغ الكبيرة

لقد تبقى فقط ثلاثة اشهر  من موعد انطلاقة العمل في المشروع الحيوى لانشاء  مطار الخرطوم الدولى الجديد

هذه دعوة لاغتنام الفرصة قبل فوات الاوان.........

اقرأ هذ الخبر

تحصلت الحكومة السودانية على قرض من الصين لانشاء مطار الخرطوم الجديد بتكلفة 700 مليون دولار.
واعتبر وزير المالية على محمود عقد تمويل المطار الجديد ممتازاً، باعتباره قرضاً تفضيلياً وبشروط ميسرة وفترة سماح جيدة جداً.

ووقع المدير العام للشركة القابضة لمطارات السودان المهندس محمد عبدالعزيز يوم الأثنين، عقد الانشاء مع المدير العام لشركة جيك الصينية لي شاو لتنفيذ المطار الجديد خلال 40 شهرا تشمل اثنين مدرج بطول 4 آلاف متر وعرض 75 مترا واثنين ممر موازٍ بطول 4 آلاف متر، وعرض 30 مترا ومواقف للطائرات بمساحة 350 الف متر مربع وعدد 10 مداخل ومخارج للطائرات وصالة ركاب على مساحة 35 الف متر مربع ومبان خدمية وخدمات التشغيل والصيانة.

وقال عبدالعزيز ان توقيع العقد يمثل حدث مهما لانه من اكبر مشاريع البني التحيتة في السودان، واشار الى ان التمويل – 700 مليون دولار – يعتبر قرضا تفضيليا من جمهورية الصين الشعبية بشروط ميسرة مدته 20 سنة بفترة سماح 5 سنوات، والمقدم المطلوب من حكومة السودان لايتجاوز 5%.
وبحسب صحيفة الصحافة، اضاف عبد العزيز انه ليس مطلوبا من الحكومة السودانية ضمانات ويسدد من عائدات المطار،
وسيبدأ المشروع على ارض الواقع في نهاية العام 2013.
ووعد وزير المالية على محمود خلال مراسم توقيع عقد انشاء مطار الخرطوم الجديد بالريف الجنوبي لمدينة امدرمان بتحقيق الحلم الذي يتطلع اليه اهل السودان بقيام المطار الجديد-على حد تعبيره.




ازدادت وتيرة الشراء هذه الايام مما ادى الي قفزة في الاسعار وصلت الي 60مليون في بعض الاماكن  المميزه جدا
الموضوع المره دي شكلو جد وعندنا واحد من الجماعه بيعمل في شركه صينيه في شمال السعوديه قالي اخدنا مقاوله بالباطن من الشركه الام وهم الان بيحملو الياتهم للسوادان لبداية العمل وتم توقيع العقد  قبل 3 شهور في الدوحه  ....
يا ... أبو ناشد

تحية طيبة وبعد :

حسب علمي الأرض غير حكومية ... فبالتالي مسألة شهادة البحث دي أعتقد فيها قولان ... مالم تكن الأرض جزء من الأراضي التي تم دفع تعوي
(نأسف للتكرار)

يا ... أبو ناشد

تحية طيبة وبعد :

حسب علمي الأرض غير حكومية ... فبالتالي مسألة شهادة البحث دي أعتقد فيها قولان ... مالم تكن الأرض جزء من الأراضي التي تم دفع تعويض عنها ... ياريت توضح أكثر ...
كل ما يمكننى القول  هو انني وخمسة اشخاص اعرفهم معرفة تامة  اشترينا في هذا  المخطط  واستلمنا شهادات البحث بغرض التأكد من اراضى القطينة  
انا  شخصيا اشتريت قطعتين  وكما ذكرت استلمت شهادات  البحث بغرض التأكد. 
ولكى يطمئن قلبى اكثر  تأكدت من تسجيلها باسمي في سجلات اراضى القطينة  وهذا دليل على ان هذه الاراضي  تمت تسويتها وهي حكومية.







يا ... ابوناشد ...
شكرا ... للتوضيح ....

لكن ...

الأراضي دي في الحدود الجنوبية الغربية لمديرية الخرطوم ...
كيف يكون التسجيل في القطينة ؟؟؟  !!!!
Up
الاخ Abu Md  سلام
آسفين للتأخير
حسب فهمي يقع المطار في مساحه ضخمة جنوب امدرمان تقدر باكثر من 86كيلومتر  فهو يمتد جنوبا حتى يكون بينه وحدود ولاية النيل الابيض  حوالي 2كيلو متر فقط
 وهناك في حدود المطار يوجد  شارع عرضه 100متر  هذا الشارع يفصل بين المطار  ومخطط المندرة وهذا يعنى ان المخطط يقع في الحدود المشتركه بين الولايتين ..وقيل ان هناك تفاهمات جرت  بين الولايات الثلاثة الخرطوم/النيل الابيض/شمال كردفان  وكان من ضمن المفاهمات ان تتبع الاراض الواقعة جنوب المطار  للقطينة اداريا لتستفيد من الرسوم ولذلك تستخرج شهادات البحث من هناك... والله اعلم 
وفي رأي  ان اسخراج شهادة البحث من القطينه ولا  من الرصيرص  ليس هو المهم  ولكن  المهم ان الشهادات  المستخرجة لابد انها تكون معتمدة ورسمية  من جهة حكومية متخصصه وليست مزورة ..
وهذا هو الحاصل ... 
الأخ Abunashid

تحية طيبة وبعد :

الكلام البتقول عنه إذا كان جنوب جبل المندرة وبعد وادي ابوحليفي أو داخل الـ 79 كيلو متر مربع (مساحة المطار) ... مقبول ... لكن شمال  جبل المندرة  وجنوب المطار ... يتبع لولاية الخرطوم ...

خالص ودي وتقديري .... 

السودان يشرع في بناء اكبر مطار في افريقيا

............................................................

الخرطوم، السودان (CNN)-- وقعت السلطات السودانية اتفاقاً مع إحدى الشركات الصينية، لإنشاء المرحلة الثانية من مطار الخرطوم الدولي، ليصبح أكبر مطار في القارة الأفريقية، يستوعب ما يقرب من 12 مليون مسافر سنوياً.

وتبلغ تكلفة المرحلة الثانية لمطار الخرطوم حوالي 680 مليون دولار، بحسب الاتفاق الذي تم توقيعه مع شركة الصين للهندسة، مما يرفع تكلفة إنشاء مطار العاصمة السودانية إلى 1.38 مليار دولار، وفق ما أكدت مديرة مشروع بناء مطار الخرطوم، فاطمة عبدالله.

وقالت عبدالله، في مؤتمر صحفي الجمعة، على هامش مشاركتها في معرض الطيران بالبحرين، إن الحكومة الصينية ضمنت الحكومة السودانية في تقديم قروض ميسرة من البنوك الصينية، لإنشاء المطار، الذي تبلغ مساحته 22 كيلومتراً مربعاً، ومساحة احتياطية تبلغ 102 كيلومتر مربع، وبتمويل كامل من الحكومة  السودانية، التي اقترضت المبلغ.

ودعت المسؤولة السودانية المستثمرين الخليجيين والأجانب إلى الاستثمار في هذا المشروع، الذي سيضم أكبر محطة للشحن الجوي، وخدمات التخزين، بهدف تصدير المنتجات الزراعية التي تمتاز بها السودان، وأشارت إلى أهمية التعاون بين السودان والصين، لاسيما أن الصين تعتبر أكبر مستثمر في القطاع النفطي بالسودان.

وقالت إن المطار، الذي يتوقع افتتاحه بعد أربع سنوات، سيشكل محطة تواصل بين الدول الأفريقية والعالم، ونقطة ترانزيت لشركات الطيران العالمية، والتي تعمل السودان عليها الآن.

من جانبه، أكد أحمد باجوري، المدير العام لسلطة الطيران المدني السوداني، لـCNN  بالعربية، على سلامة الطيران في الخرطوم، وبعده عن النزاعات المسلحة التي تنشب في الجنوب أو في مناطق أخرى، وأن المطار مكان ثقة وسلامة من قبل منظمة الطيران العالمي.

 
اخوتي الافاضل

يا اخواني والله من اكثر ما يثير عجبي و استغرابي تدافع البض من اخوان لننا في تحسين او تجميل و امتلاك اراضي بالقرب او حول المطار بحجة انها قريبه من المطار او ستكون استثماريه
يا اخوتي لله دركم
ياخي في كل انحا العالم يتجنب الناس السكن بالقرب من المطارات
والله عندنا في امستردام تدفع الحكومه تعويضات للسكان بعد ان توسع المطر و اصبح فقط علي بعد عشرات الكيلو مترات من مساكنهم

الم يكن بالوقت القريب من اكبر عيوب  ما يسمونه بالخرطوم الجديده (الرياض -العمارات-اركويت-المعموره) هي المطار و الطائرا قياما و هبوطا
بالله واحد يديني بس ابسط قيمه استثماريه اضافه المطار الحالي لي العمارات اقرب المدن السكنيه للمطار  ياخي مكاتب حجز ساي ما فيها 
بخلاف انو ناس العمارات البرجعو من السفر اول ناس بكونو في بيوتهم
وطبعا ما تقولو لي الفنادق والفندقه لانو الكلام دهه عندنا ابدا ما تقوم لي قايمه ذي ما في مصر او سوريا او خلافه

و بالذات حتت  الخدمات دي  يا اخوانا نسبه للعوامل الامنيه  المطارات دايما بتكون مكتملة الخدمات داخليا يعني ما ذي ما تجاور ليك  سوق او مستشفي او مدرسه
و اسألو الناس و ابدو من المعموره و لحدي اركويت شمال والرياض يدوكم النجيضه ياخ نحنا في الصحافات الماطوالي قصادهه قايلين الروب و اسألو اخوي  الحوتي راس السوط واصلو اقرب مننا

والله انا عندي خالي ساكن هناك لمي ازوهم والله لما الرجع البيت نص الكلام الاتقال بكون ما سمعتو

يعني كل ما تجي طياره الناس تغطِم لحدي ما تعبر المنطقه
اهه كدي بكره الصباح  دي بس في  بنامج   BNFM  اسمعو من الاستاذه سعاد وشوفو في كم طياره في اليوم الواحد قايمه و كم طياره نايمه
يعني كان جيت ضربته تغطيماتك لحدي ما الطياره تمر في اليوم في الاسبوع في الشهر في السنه من عمرك   يامعلم تلقه 25% من عمرك راح سٌداً
يعني قِطيم  ساااااااااااي

و الله ما شقالٌه حنكاً غطمو

تحياتي
عفونا نسيت ان اذكر و ده بالاضافه طبعا لما هو معروف من اكثر المضار الصحيه المترتبه علي ما تلفظه هذه الطائرات من غازات و محروقات و بالذات عند عمليتي الاقلاع و الهبوط و اثر ذلك الباليغ  علي اصحه الانسان
بعد اذن صاحب البوست
يا ديك لاهاي  كدى خت الكوره في الواطه وتعال  حاورني    ياخي بالمناسبه  انا واحد من الناس  الاستفدت من بوستاتك  في مجال الاراضي و البناء ومواد البناء ....  طبعا معاك الاخوة الافاضل اللاعبين الاساسيين زى ما بتقول انت  وان شاء الله في ميزان حسناتكم   لكن  في تحليلك  الفوق دا  الكورة فلتت منك وطلعت  ضربه ركنيه لصالح الفريف  التانى   اها   قول لي كيف   ؟؟   الكيف طبعا عندنا ناس الشرق  جبنه  بالجنزبيل  ههههههه القفشات دى طبعا اتعلمناها من عندكم ...   خلينا ناخد  كلامك الفوق دا سطر سطر ....
12


عفواً.. لا يمكنك المشاركة، يمكنك التسجيل في حال رغبتك بذلك.


جديد المنتدى

كلمات البحث

تابعنا

تابع اجدد الإعلانات